Natangiye gukoresha inzoga cyane nkiri muri kaminuza. Yego, abanyeshuri ba kaminuza baranywa, ariko sinanywaga kugira ngo nishimishe gusa. Nanywaga kugira ngo mpunge ibibazo.

Ubwoba bwo kuba mu ruhame bwatumaga bigorana cyane kuva mu cyumba cyanjye. Sinari nifitiye icyizere gihagije ngo mbashe kubona inshuti cyangwa kuvugisha abakobwa. Kandi n’ubwo nari nzi ko mfite umuryango n’inshuti zankundaga, numvaga ndi njyenyine rwose. Nari yangaga rwose.

Inzoga zari nk’umuti; zapfashaga amasaha make gusa, maze nkaba umuntu ushamaje, wifitiye icyizere, kandi utari wenyine. Zanyibagizaga agahinda.

Mu gihe cy’imyaka ibiri, inzoga zabaye ikintu ntigeze zisaba kuba—umuti wanjye.

Maze kuva muri kaminuza, ikintu cyahindutse ku kunywa kwanjye ni ubwinshi bw’inzoga nanywaga. Kubana n’ababyeyi byatumaga ntashobora kunywa inzoga igihe icyo ari cyo cyose.

Ntitaye ku ngano y’urugendo nakoraga ntashye; ntacyambuzaga kunywa inzoga nyinshi uko nshoboye, hanyuma nkagerageza kudapfa — cyangwa kwica abandi — iyo nabaga ntwaye. Nkurikiye ibyiyumviro inzoga zampaga, byari byarabaye ikintu cy’ingenzi cyane mu buzima bwanjye. Kubera kwikunda cyane, sinitaye ku kuba natwara imodoka nasinze. Sinanitaye ku buzima nashyiraga mu kaga, harimo n’inshuti zanjye rimwe na rimwe zari mu modoka hamwe nanjye.

Amaherezo, nahagaritse kwishingikiriza ku nzoga kugira ngo mbashe kuvugisha abakobwa, maze ntangira gukundana n’umukobwa w’indoto zanjye. Yari umubyeyi w’abana babiri b’abakobwa, bityo nahise nisangana n’inshingano zo kuba umugabo no kuba icyitegererezo. Nubwo ntanywaga iyo abana babaga bahari, iyo babaga batari kumwe natwe byari indi nkuru.

Twemeranyije kurushinga. Ariko n’ubwo nari nkunze uwo mukobwa, kandi n’ubwo nari nzi ko nawe ankunda, ntibyari bihagije. Kuko nari ntarikunda ubwanjye, kandi sinashoboraga kwizera ko nkwiye gukundwa.

Nakomeje kunywa inzoga nk’aho ubuzima bwanjye ntacyo buvuze, kuko kuri njye bwari nta gaciro bufite. Nta muntu wari uzi ko buri wa kabiri nijoro nanywaga inzoga bikabije. Nta muntu wari uzi ubwo businzi bwanjye bukabije. Nta muntu wari uzi uko niyangaga ubwanjye bikabije.

Kugeza ubwo amazi yendaga kurenga inkombe.

Inzoga zari ingaruka y’ikibazo gikomeye, aricyo njyewe!..

Amezi ane mbere y’umunsi w’ubukwe bwacu, ahagana saa munani z’ijoro, nasohotse mu nzu y’umukunzi wanjye nyuma y’isabukuru ye y’amavuko. Nari nanyoye bikabije.

Ntararenga na kilometero imwe uvuye aho, ubwo nageragezaga guhindura CD, narebye hejuru isegonda rimwe mbere y’uko ngonga ipoto y’amatara. Iyo poto yagwiriye imodoka yanjye, kandi natunguwe nuko itagwiriye. Nyuma y’icyumweru kimwe, ubukwe bwarasubitswe.

Nyuma y’iyo mpanuka, nasanze ntashobora gushinja inzoga kuba zari zinyishe. Byari njye. Ni njye wari ukwiriye kubibazwa.

Ninjye wahunze ikibazo cy’ubwoba bwanjye aho gushaka ubufasha. Ninjye wahishe kunywa kwanjye imbere ya buri wese. Ninjye utikundaga, kandi byari bimpitanye. Inzoga zari ikibazo mu buzima bwanjye, ariko zari ingaruka y’ikibazo cy’ingenzi: njye ubwanjye.

Kwemera ikibazo cyanjye ni cyo cyatumye ndenga ku ngeso y’inzoga.

Ububata bwose busubira ku muntu ubufite. Umuntu ufite ububata runaka akoresha ikintu icyo ari cyo cyose mu kwirengagiza ibibazo bye cyangwa kubihunga. Ububata buterwa no guhunga ubwoba bwawe aho kuba ubuhangare. Kwemera amakosa yanjye ni byo byanshoboje gutsinda inzoga.

Namaze amezi ane njya mu itsinda ry’abari barabaswe no kunywa bikabije. Si uko nari nabihatiwe, ahubwo ni uko nari nzi ko byaringobwa kwibwira ukuri ku bubata bwanjye bw’inzoga. Nari nkeneye kumva ko ngomba guca bugufi no kumva inama z’abari baranyuze mu bintu bibi kurusha njye.

Nahisemo guhangana n’ibibazo byanjye mbibwira inshuti n’umuryango wanjye. Natangiye guhura n’abantu nkabaganiriza ukuri ku byo natekerezaga n’ibyo narwanaga nabyo, maze ntakomeza guhisha uko meze igihe cyose umuntu yambazaga. Nashatse ubufasha bw’abaganga kugira ngo nshobore kwikuramo ubwoba bwo kuba mu ruhame, bwari bwatumaga nshyira mu nzoga.

Nahisemo guhangana n’ibibazo byanjye, nganira, ntekereza, kandi nifata nk’umuntu ufite agaciro. Nize gukunda uwo ndi we.

Guhemburwa ntibikorerwa mu bwigunge; bikorwa mu matsinda. Icyo waba urimbata cyose, inkuru nziza ni uko utagomba gukomeza kubaho gutyo. Icyo waba uri kunyuramo cyose, cyikakuzanira ububata, ntibigomba kukugora wenyine.

Umwe mu bajyanama bacu bo kuri interineti yishimiye kugendana nawe muri uru rugendo. Nyamuneka tanga amakuru yawe y’itumanaho hepfo, maze tuzavugane nawe bidatinze.